#APATV #Vətən #VətənMüharibəsi #əkiz #şəhid #ev #Azərbaycan #şəhidailələri #evverildi #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi
Əkiz yaşadılar, əkiz getdilər: Qəhrəman şəhidlərimizin ailələrinə ev verildi
Vətən uğrunda, torpaq uğrunda, eyni gündə döyüşə yollandılar. Hamı onları əkiz sanırdı. 44 günlük Vətən Müharibəsində eyni gündə, eyni saatda, elə eyni saniyədə də şəhidlik zirvəsinə ucaldılar. Bu dünyaya əkiz gəlməsələr də, o dünyaya əkiz getdilər.
Söhbət İman və Bəhrəm qardaşlarından gedir. İstər təhsil aldıqları məktəbdə, istərsə də beynəlxalq idman yarışlarında üçrəngli bayrağımızı layiqincə dalğalandırıblar. Qürbətdə yaşasalar da, ürəkləri hər zaman Vətən sevgisi ilə döyünüb.
İki qardaş Vətənə borcunu yerinə yetirmək üçün Rusiyadan Azərbaycana geri dönürlər. Birlikdə hərbi xidmətə yollanırlar. Xocavənd, Cəbrayıl və Füzulinin azad olunması istiqamətində gedən döyüşlərdə qəhrəmanlıqla iştirak edirlər. İman və Bəhrəm Məmmədzadələr canlarını xalq, millət, torpaq yolunda qurban verərək 2020-ci il oktyabrın 27-də Qırmızı Bazar ətrafında gedən gərgin döyüşlər zamanı şəhid olurlar. Bu iki qəhrəmanın atası Elman Məmmədzadə deyir ki, indi yeganə təsəllisi Vətən üçün canını fəda edən iki qəhrəman oğlunun olmasıdır.
Hər iki qardaş Prezident İlham Əliyevin müvafiq sərəncamları ilə "Vətən uğrunda", "Xocavəndin azad olunmasına görə", "Cəbrayılın azad olunmasına görə" və "Füzulinin azad olunmasına görə" medalları ilə təltif ediliblər.
Bundan başqa, Məmmədzadə ailəsi iki otaqlı evlə də təmin olunublar.
Onlarla yanaşı, noyabrın 15-də 44 günlük Vətən müharibəsində şəhid olmuş qəhrəmanlarımızın ailələrinə və müharibə ilə əlaqədar əlilliyi olan şəxslərə Əmək və Əhalinin Sosial Müdafiəsi Nazirliyi tərəfindən daha 49 mənzil verilib. Mənzillər Mənzil İnşaatı Dövlət Agentliyinin Hövsan yaşayış kompleksində yerləşir. Əmək və əhalinin sosial müdafiəsi nazirinin müavini Vüsal Nəsirli jurnalistlərə bildirdi ki, nazirlik tərəfindən şəhidlərin ailə üzvləri və müharibə iştirakçılarına bu günə qədər 119 min sosial dəstək yönümlü 249 min xidmət göstərilib: “Sosial dəstək proqramının mühüm istiqamətlərindən biri kimi, şəhid ailələrinin və müharibə ilə əlaqədar əlilliyi olan şəxslərin mənzillə təminatı proqramı da 5 dəfə genişlənib. 44 günlük Vətən müharibəsindən sonra həmin vətəndaşlara 4050-dək, ümumilikdə ötən dövrdə 13 mindən çox mənzil və fərdi ev təqdim edilib. 2022-ci il üzrə də 1500 mənzil və fərdi ev verilməsi nəzərdə tutulub ki, artıq 1050-si təqdim edilib”.
Qeyd edək ki, müharibə ilə əlaqədar əlilliyi olan şəxslərin avtomobillə təminatı tədbirləri də davam edir. Postmüharibə dövründə 300-dən çox, ümumən ötən dövrdə 7500-dən artıq avtomobil müharibə ilə əlaqədar əlilliyi olan şəxslərə verilib.
✅ Rəsmi saytımız: [ Ссылка ]
✅ Rəsmi facebook səhifəmiz: [ Ссылка ]
✅ Rəsmi instagram səhifəmiz: [ Ссылка ]
✅ Rəsmi twitter səhifəmiz: [ Ссылка ]
✅ Rəsmi teleqram səhifəmiz: [ Ссылка ]
✅ Rəsmi youtube kanalımız: [ Ссылка ]
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv
