Lajme arkiva 2006
Parlamenti i çeli punimet e sesionit të dytë të legjislaturës së 17-të. Kryetarja e Jozefina Topallit deklaroj në hapje prioritete për vitin 2006 si reforma zgjedhore, ligji i pronave, reformimi i institucioneve me anë të përmirësimit të legjislacionit në kuadër të luftës kundër korrupsionit e të tjera. Për reformën zgjedhore Partia Demokratike propozoj që drafti i paraqitur tre javë më parë të diskutohet të enjten.
Ndërsa Partia Socialiste mbështet ngritjen e komisionit për reformën, por me kusht që në draft të ndërhyhet duke pranuar vetëm çështjet e diskutuara në tryezën e presidentit të republikës me partitë parlamentare. Po kështu kryetari i grupit parlamentar demokrat Bamir Topi propozoj përfshirjen në kalendar të raportimit nga kryeministri Berisha për 100 ditët e para të qeverisjes.
Ndërsa të majtët kërkuan që kuvendi të parashikohej këtë si interpelancë debati me shefin e ekzekutivi. Në fillim të seancës Lëvizja Socialiste për Integrim kërkoj respektin të kërkesës së ushtarakëve sipas ligjit të miratuar në maj të vitit të kaluar, por Ministri i Mbrojtjes Fatmir Mediu ka sqaruar se efekti financiar që rrjedh nga ky ligj miratohej për motive elektorale sipas tij legjislaturën e kaluar është i papërballueshëm nga buxheti i shtetit.
Fatmir Mediu: “Mendoj që duhet ndarë mirë koncepti i çështjes së pensioneve ushtarakëve dhe çështje e pagave suplementare për sa i përket reformës ushtarake që dalin në rezervë dhe mendoj që logjika që ne kemi paraqitur në ato draft ligje që kemi sjell ka të bëjë me pagat suplementare për ushtarakët që dalin në rezervë, se që kanë dalë në rezervë mbas hyrjes në fuqi të strategjisë për sigurinë kombëtare.”
Kuvendi miratoj programin tre mujor si dhe kalendarin tre javor të punimeve. Krerët e grupeve parlamentare ranë dakord për të shtyrë edhe 20 ditë afatin e komisionit hetimor mbi zgjedhjet e korrikut. Kryeparlamentarja Topalli bëri të ditur se në kuadër të ditëve të hapura të kuvendit studentët dhe grupe qytetarësh të interesuar do të kenë mundësinë të ndjekin tashmë seancat plenare./tvklan.al
Gazetare: Arta Tozaj
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
