Lajme Arkiva - TV Klan 2003
Ndryshimi i disa prej taksave dhe tarifave vendore rrezikon rritjen e çmimeve në treg. Pas miratimit nga këshilli bashkiak i Tiranës, nëpërmjet një vendimi qarkullues mbi nivelin e ri të taksave, bizneset e vogla tregtare shprehen, se do të rrisin çmimet. Kjo jo vetëm për shkak të rritjes së tarifës së pastrimit, e cila një vit më parë ishte dy herë më e vogël, por edhe për shkak të zoonimit që i është bërë kryeqytetit në tre zona vlerësimi.
Sipas ligjit për sistemin e taksave vendore, pagesa varijon 2-4%. Me ndryshimet e bëra nga bashkia e Tiranës për zonën A, e cila i përket qendrës është vendosur të merret niveli më i lartë 4%, që do të thotë sipas biznesmenëve, një pagesë prej 60 mijë lekësh më tepër se vitin e kaluar.
Këtë rritje Bashkia e Tiranës e justifikon me faktin për një nxitje të mëtejshme të investimeve, drejt zonave periferike, ku edhe niveli i pagesave është më i ulët se kategoria e parë, por përsëri më i lartë se vitin e kaluar. Nëse me ndryshimet e bëra pritet një rritje e ndjeshme e të ardhurave tek pushteti vendor, sipas tregtarëve, rritja e tarifave do të ndikojë drejtpërdrejt tek blerësit./tvklan.al
Gazetare – Eva Paja
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
