पुणे, 8 ऑगस्ट : पुण्यातील बुधवार पेठेत वेश्या व्यवसायासाठी ओळखल्या जाणाऱ्या वस्तीत भागामध्ये अनेक महिला वास्तव्य करत आहेत. आपलं गाव तसेच राज्यापासून दूर त्या पुण्यातील या वस्तीत राहतात. या वस्तीमधील महिला गरदोर झाली तर तिला कोणत्या गोष्टींचा सामना करावा लागतो? त्यांना काय अडचणी येतात याबाबतचा पाहूया स्पेशल रिपोर्ट
पुणे शहराच्या मध्यवर्ती असलेल्या या परिसरात अरुंद गल्ल्या, श्वास घेता येणार नाहीत अशा खोल्या आणि त्यात पोटाची खळगी भरण्यासाठी करकर वाजणारे जुने लाकडी पलंग अशी सगळी परिस्थिती आहे. वेगवेगळ्या राज्यातून आलेल्या या महिलांशी तुम्ही माणूस म्हणून संवाद साधला तर या समस्या किती गंभीर आहेत याचा प्रत्यय तुम्हाला येईल.
दुसऱ्या बाजीरावाने बांधलाय ‘हा’ ऐतिहासिक वाडा, 200 वर्षांनंतरही आहे भक्कम, Video
या ठिकाणी वेश्याव्यवसाय केला जातो अशातच काही महिला या गरोदर राहतात त्यावेळी आरोग्याच्या अनेक समस्यांचा त्यांना सामना करावा लागतो. गरदोर महिलेचं काम सर्वप्रथम बंद होते. शारीरिक समस्या तसेच पोटात असलेल्या गर्भामुळे तिला शारीरिक संबंध ठेवणे शक्य नसते परिणामी त्यांचे आर्थिक नुकसान होते .
'प्रसुती काळातील 9 महिने आणि प्रसूतीनंतरचे काही महिने काम नसल्याने पैसा अजिबातच नसतो. त्याचबरोबर कुठलीही महिला जर गरोदर असेल तर तिला इतरांच्या आधाराची फार गरज असते परंतु या ठिकाणी ती मदत लवकर मिळणं शक्य नसतं . महिला जर गरोदर असेल तर दवाखान्यात त्या महिलेच्या पतीचे नाव हे गरजेचे असते मात्र अशावेळी ते नाव लावणं शक्य नसल्याने त्यांना पुढील उपचारासाठी समस्या उद्भवतात,' अशी माहिती या विषयावर काम करणाऱ्या सामाजिक कार्यकर्त्या अलका गुजनाल यांनी दिली आहे.
महिलांनो, मेकअप करताना ‘या’ गोष्टींची घ्या काळजी, तुमचा लुक नेहमी राहिल फ्रेश
बुधवार पेठेतील एका महिलेशी आम्ही याबाबत संपर्क साधला. ही महिला कोव्हिड काळात गरोदर होती. त्यावेळी कोरोना महामारीमुळे त्यांची प्रसुती घरीच करावी लागली. या ठिकाणच्या महिलांनी एकी दाखवत त्यांची प्रसूती केली, असा अनुभव त्यांनी सांगितला. पण, या प्रकारचं हे एक अपवादात्मक उदाहरण आहे.
वेश्यांच्या या व्यवसायामुळे त्यांचे नातेसंबंध निर्माण होणे ही एक अपघातांची मालिका असते, कारण या प्रकारचे जगणे हे कोणत्याही सामान्य माणसाच्या पचनी न पडणारी गोष्ट असते. . बहुतेकदा प्रेमप्रकरणातून त्या गर्भवती राहिल्याने त्यांचा प्रियकर देखील त्यांची जबाबदारी घेण्यास पुढे येत नाही . घरच्यांनी आधीच संबंध ठेवले नसल्याच्या या वस्तीतील गर्भवती महिलेला भयंकर गोष्टींचा सामना करावा लागतो ज्याची कल्पना आपण करू देखील शकत नाहीत .
या महिलांना कुटुंबापासून वेगळं आयुष्य जगावं लागतं. आईपण नशिबाने मिळतं पण त्यात देखील हेळसांड होते . व्यवसायाबरोबर लागत गेलेली व्यसनांची गोडीमुळे त्यांचे आणखी हाल होतात. मनात एखादया तप्त लाव्हाप्रमाणे उसळणारी खदखद कोणताच सहानुभूतीचा समुद्र शांत करू शकत नाही कारण आपलं माणूसपणच जिथं नाकारलं जात, तिथं अन्यायासाठी न्याय मागणं देखील अवघड असत. एकदा परतीचे दोर कापले की मागे फिरायचं नसत, जे वाट्याला येईल ते घोटत पुढे चालावं लागत, असा अनुभव काही जणींनी बोलून दाखवला.
,#pune #redlightarea| #budhwarpethpune| #budhwarpethwomenissue| #punenews| #news18marathi| #marathinews| #local18
News18Local हे हायपरलोकल व्यासपीठ आहे जे स्थानिक जिल्ह्यांतले लेटेस्ट न्यूज अपडेट्स आणि व्हिडीओज मराठीत तुमच्यापर्यंत पोहोचवते. News18 Local मध्ये स्थानिक कार्यक्रम, सण-उत्सव, स्थानिक प्रश्न आणि शिक्षण-नोकरीच्या संधी, जाहीर सूचना यासंबंधी माहिती असते. तसंच यशस्वी कथा, ऐतिहासिक स्थाने, प्रर्यटन स्थळे याबातची माहितीही तुमच्यापर्यंत देण्याचा प्रयत्न असतो.
Follow us @
[ Ссылка ]
[ Ссылка ]
[ Ссылка ]
Ещё видео!