ابتدي في الليلة اللي محالفها النجاح
ليلة من بين كل الليال لحالها

نجمها صالح و صالح ولد مخلد صلاح
و القبيله يعرفون الرجال افعالها

الرويثي شامخٍ لا يزال و لا يزاح
من جبال المملكة يوم اعد اجبالها

معتق العياضي

افتخر بأفعال ربعي هاذا فخرا مباح
الرويثي كلمته قدها لاقالها

مرحبا واهلين وقلوبنا دايم صحاح
عند من كل المراجل شرب فنجالها

مرحبا يا ضيفنا في المجي و في المراح
والكرامة فال ضيفانناا و عقالها

راشد السحيمي

سربت الاد الرويثي ليا صاح الصياح
تجدع الفرسان فقفايها وقبالها

تكسر جموع الطماميع وترد الطياح
كم عقيد ٍطاح من سرجها وحبالها

يا مبشرت الحوير عقب طعن الرماح
بمه اللي يحتري درها ووشالها

سلطان بن وسام

وياموردة الضمايا على العد القراح
لاعتزت حماية البل وجاء خيالها

قلعكم مهرة عقيداً نهار الهوش طاح
وكسبكم عفراً شناحاً طوال سبالها

مجدكم ماهو كلاماً يطير مع الرياح
ورثاً لحرب الدول تحفظه لاجيالها

تركي الميزاني

في مدايحكم تحس الضماير بارتياح
يارجالٍ قولة الف ونعم تزهالها

وان حصل منا قصور اعذرونا والسماح
نجتهد باعذب بيوت الشعر وجزالها

والمقام اكبر من الشعر والقول المتاح
والرجال اهل الوفا جمًل الله حالها

فواز العزيزي

свернуть