Маңғыстаулық суретшілер еліміздің жеті өңіріне экспедиция жасап қайтты. Жобаның ерекшелігі сол – қылқалам шеберлері бұл экспедицияға көлікпен шығып, әр өңірдің тарихи-мәдени орындарынан этюд салған. 20 күн жол жүрген олар еліміздің тарихына да терең үңіліп қайттық дейді. Ал бұл жобаға Маңғыстау облысының мәдениет басқармасы мемлекеттік грант аясында демеушілік жасаған. Толығырақ әріптесім Махаббат Нұржанқызы баяндасын.
Аймұрат Таңатов пен Тынышбек Балтабаев өнер-экспедициясын бастап барған кәсіби суретшілер. Олардан бөлек өнер саяхатына тағы 8 суретші қатысқан. «Отпан тау – Сарайшық – Бөкей орда – Қорқыт ата – Қожа Ахмет Яссауи - Жәдігерлер кешені» бағыты бойынша жүріп өткен шығармашылық топ өздері табан тіреген өңірлердің тарихи-мәдени, сәулет ескерткіштерін, мұражайларын басты назарға алып, әсем табиғатын да қағазға түсірген. Бірнеше жыл Маңғыстау өңірінің табиғатын бейнелеп келген Аймұрат Таңатов мұндай саяхат суретшілер үшін керек екенін айтады.
АЙМҰРАТ ТАҢАТОВ, суретші:
– Табиғатқа шығып тұру керек деп ойлаймын суретшіге. Табиғатқа шыққан суретші пленэрге шығып этюдтер жазады. Этюд – нағыз шынайы картина болып есептеледі. Этюдта арнайы бір сезім болады, суретші мен табиғаттың арасындағы байланыс. Сол нәрселерге көбірек шыққан сайын суретші күшейеді.
Шеберлер экспедиция барысында сурет салып қана қоймай, ата-бабалардың басына құран бағыштау да – жас суретшілерге өнеге болатынын айтады. Табиғат пен тарихты өнерге ұштастырған топ шығармашылықты дамытып қоймай, рухани байып қайтқандарын жеткізді. Ал «Отпан таудан – Ұлытауға» жобасына мәдениет басқармасы мұрындық болған.
ӘСЕМ ӘШІРОВА, МАҢҒЫСТАУ ОБЛЫСТЫҚ МӘДЕНИЕТ БАСҚАРМАСЫНЫҢ БӨЛІМ БАСШЫСЫ:
– «Отпан таудан – Ұлытауға» жобасына 10 миллион 350 мың теңге қаржы бөлінді биылғы жылы. Бұл жоба алдағы уақытта да жалғасын табатын болады. Келесі жылы да мемлекеттік-гранттық тапсырыс арқылы аталған жобаны жалғастыруды көздеп отырмыз.
Темір тұлпарлармен ел аралаған қылқалам шеберлері экспедиция барысында салған суреттерінен елордада көрме ұйымдастырмақ.
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
