Social Media ◀ شريف غزالة - مصطفى المصرى

▶ production : ( دبور برودكشن )

▶ Track : ليا اخ جدع في ديقه

▶ Singing : كريم كرستيانو

▶ Lyrics : مصطفي الجن

▶ Team Manager : 01277877057 ( محمود يحي )

▶ Music Distribution : يوسف اوشا

▶ Graphic Designer - Montaj : تيكا

#انتاج_دبور_برودكشن_2021

كلمات المهرجان

ليا اخ جدع فى ضيقه
نفسى يرجع لو دقيقه
عينى بتدمع حقيقه
من فراقو عايش حزين ..
كل ماجى ازور ببانو
ببقا عايز اقعد مكانو
مستعد البس عشانو
بدله واتأبد سنين ..
..................
بعد اخويا ماليش صحاب
وماليش قرايب
سابنى وحدى و راح خلاص
اغلى الحبايب
قلبى نصين اتكسر
شفت العجايب
زيى بقا زى اليتيم
مانا ضهرى غايب ..
بعدو مين فكر فى يوم
يسأل عليا
لأ مفيش فى غيابو ايد
مسحت عنيا
قبل ما انطق كلمه
كان بيحس بيا
كل يوم بدعى
انو يرجع تانى ليا ..
.....................
عند بوابة النيابه
شكلى يصعب ع الغلابه
١٠٠ سؤال مالهوش اجابه
جوا منى كتير كلام ..
فى انتظار لحظة وصولو
لو هقضى اليوم بطولو
مش شاغلنى الناس يقولو
عادى ع الاسفلت انام ..
.....................
عربية الترحيل ياناس
بتنزل المساجين
واقف مابين الخلق بتقطع
وشكلى حزين ..
اول ماشفت قصادى اخويا
الدمع سال م العين
مقدرتش امسك نفسى
بجرى لكن منعنى امين ..
......................
فى القفص واقف قصادى
فى انتظار حكمك يا قاضى
بالبراءه احكم و نادى
دا اللى قدامك بريئ ..
مين فى ضيقتك شال فى همى
امتى ترجع يابن دمى
نفسى ارن واقولها ل أمى
احنا جايين فى الطريق ..
......................
اول ماقال تأبيده
جسمى من الوجع نمل
الصدمه صعبه كانت شديده
مقدرتش اتحمل ..
راح اللى منى الله يعيننى
على اللى حاسس بيه
اغلى الحبايب عنى غايب
روحى كانت فيه ..
طول الطريق عمال بفكر
ببكى بحر دموع
ازاى ياناس ع الفورقه هقدر
قلبى بقا موجوع ..
قدامى سكة بعيده
انا مش لاقى ليها رجوع
الدنيا ضلمه فى عينى
سوده ونورها بقا مقطوع ..
....................
يالى فينا شمتانين
احنا لأ مش محبوسين
هى رحله وتانى وراجعين
بكره يجمعنا المكان ..
مهما تعلو يا مرشدين
انتو برضو مكشوحين
مشهورين بالغدارين
من زمان مالكوش امان ..
...................
لما الأسود غابت
على الناصيه دارت عوجان
فجأه القرود زاطت
واصبح ليها صوت و لسان ..
وضع اختلف وعويل كرف
ولا حد بقا فاهمان
وسعت خلاص منك ياكار
دا الفار طلعلو سنان ..
يابنى اسمع انت وهو
فوقو بلاش تخرفو
اخواتنا برا وجوا
دول جدعان يشرفو ..
مالكوش فى توب المعلمه
ولا يوم هتعرفو
جايين منين رايحين لفين
على مين بتكرفو ..
...................

свернуть