Qeveria ka miratuar propozim-ligjin për mbështetje financiare të kategorive të cenueshme të qytetarëve për t’u përballur me krizën energjetike. Kjo zgjidhje ligjore tani hyn në procedurë para trupave parlamentare dhe deputetëve. Masat e reja anti-krizë, sipas qeverisë, përfshijnë rreth 180.000 qytetarë.

Si pjesë e pakos së re anti-krizë, qeveria miratoi vendimin që në katër muajt e ardhshëm ndihmë financiare prej 3.000 denarëve apo gjithsej 12.000 denarë (200eu) do të marrin shfrytëzuesit e të drejtës për siguri sociale të personave të moshuar, shfrytëzuesit e shtesës së veçantë, shfrytëzuesit e të drejtës për kompensim për shkak të pengesave, personat me pengesa dhe ndryshime të përhershme në situatën shëndetësore dhe prindër të vetëm që janë evidentuar si shfrytëzues të ndihmës së garantuar minimale. Ndihmë financiare nga 3.000 deri në 6.000 denarë, gjatë katër muajve të ardhshëm do të marrin edhe pensionistët që kanë pensione deri 14.000 denarë.

Socialdemokratët, në Ditën Botërore të Luftës Kundër Varfërisë i kanë bërë thirrje opozitës që të heqin dorë nga bllokimet dhe t’i mbështesin ndryshimet ligjore.

“Në veçanti ftesa u dërgohet kolegëve të VMRO-DPMNE-së që shpeshherë dinë të bllokojnë ligje që janë në interes të qytetarëve”.

VMRO-DPMNE-ja thotë se si parti konstruktive kanë ofruar ndihmë dhe masa për krizën duke i bërë thirrje qeverisë që t’i realizojë të njëjtat.

“Njëkohësisht ofruam pesë masa që do ta përmirësojnë situatën dhe do ta amortizojnë goditjen e krizës”.

Dita e diel të bëhet ditë pune, fundjavë pa TVSH, intervenime në ligjin për të ardhura personale, në dispozicion të ekonomisë të vihen paratë nga bankat për të ndihmuar likuiditetin e kompanive, çmimi i rrymës që e paguajnë kompanitë e që është mbi çmimin në tregun e rregulluar, gjysmën e këtij dallimi ta paguajë shteti, janë pesë masat antikrizë që i propozoi VMRO-DPMNE-ja.

Tv Klan
#rmv #qeveria
SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть