Ermənistan Qarabağdan hərbi birləşmələrini çıxarır. Amma separatçıların Dağlıq Qarabağın müdafiə ordusu adlandırdıqları hərbi birləşmələr burada qalmağa davam edəcək.
Ölkənin Təhlükəsizlik Şurasının katibi Armen Qriqoryan bunu Qarabağda Ermənistandan çağırışçıların olmayacağı şəklində açıqlayıb. O, deyib ki, Ermənistan Silahlı Qüvvələrinin bir hissəsi müharibə vaxtı Dağlıq Qarabağın “müdafiə ordusu”na köməyə gedib. Atəşkəs bərqərar olandan və Rusiya sülhməramlıları yerləşəndən sonra isə onların geri dönməsi qanunauyğundur. Qriqoryan əlavə edib ki, bu proses sentyabrda yekunlaşacaq.
