بەرهەم ساڵح گەڕایەوە ناو ریزەكانی یەكێتی
بەرهەم ساڵح كەمتر لە ساڵێك لە دەرەوەی یەكێتی مایەوە
پاش كەمتر لە ساڵێك لە جیابونەوەی لەیەكێتی نیشتیمانی كوردستان بەرهەم ساڵح لە پێناوی كاندیدكردنی بۆ پۆستی سەرۆك كۆمار هاودیدەكانی لە هاوپەیمانی بۆ دیموكراسی و دادپەوەری جیهێشت و بەرەسمی گەڕانەوەی بۆ ریزەكانی یەكێتی راگەیاند، لە كاتێكدا لە ماوەی ساڵی رابردوودا هەوڵیدەدا ببێتە ركابەری سیاسی یەكێتی، بەپێی لێدوانی بەشێك لەبەرپرسانی یەكێتیش هەوڵی بەرهەم ساڵح، بۆ گەرانەوە بۆ ناو ریزەكانی حیزبەكە بابەتێكی نوێ نیەو دەمێكە خواستێكی لەو جۆری هەیە.
هەرچەند ئاماژەكانی بوونی ناكۆكی لە نێوان بەرهەم ساڵح و بنەماڵەی تاڵەبانی لەو كاتەوە دەركەوت، كە ناوبراو سەرۆكی كابینەی شەشەمی حكومەتی هەرێم بوو، بەڵام لە دیاریكردنی كاندیدی یەكێتی بۆ سەرۆك كۆمار لە ساڵی 2014 ئەو ناكۆكیانە قوڵبونەوەو بەروونیش هەستی پێكرا، ئەو كاتەی بنەماڵەی تاڵەبانی تەواوی تواناكانیان خستەگەڕ بۆ ئەوەی بەرهەم ساڵح، نەگات بە پۆستی سەرۆك كۆمار و توانیشیان شكستی پێبهێنن.
نیگەرانی لە بنەماڵەی تاڵەبانی و بێ دەسەڵاتی لە بەرامبەر بریارەكانیاندا بەرهەم ساڵحی بەرەو جیابونەوە لە یەكێتی و دامەزراندنی قەوارەیەكی سیاسی بەناوی هاوپەیمانی بۆ دیموكراسی دادپەرورەی ئاراستە كرد و بەشێك لە جەماوەر و كادری باڵای یەكێتیشی پەلكێشی ناو ئەو قەوارە نوێیەكرد و لە یەكەم ئەزمونی بەشداریكردنی لە هەڵبژاردندا، سەرەرای گوماناوی بوونی پرۆسەكە توانی 2 كورسی ئەنجومەنی نوێنەرانی عێراق مسۆگەر بكات.
سەرەرای ئەوەی كەسی یەكەمی هاوپەیمانی بۆ دیموكراسی و دادپەروەری بوو، بەڵام بەرهەم ساڵح، پاش كەمتر لە ساڵێك و بەهیوای هێنانەدی خەونی بوون بە سەرۆك كۆمار هاودیدەكانی جێهێشت و گەڕایەوە ناو ریزەكانی یەكێتی و ئێستا تاكە كاندیدی ئەو حزبەیە بۆ پۆستی سەرۆك كۆمار.
هەرچەندە گەڕانەوەی بەرهەم ساڵح، بۆ ناو یەكێتی بە فەرمی راگەیەندرا، بەڵام لێدوانی بەرپرسانی باڵای یەكێتی ئاماژەیە بۆ ئەوەی، كە پێشتریش بەرهەم ساڵح، خواستێكی لەو جۆرەی هەبووە ویستویەتی لە بەرامبەر وەرگرتنی پۆستی سەرۆك كۆمار دا بگەڕێتەوە ناو ئەو حیزبەی، كە تەنها چەند مانگێك لەمەوبەر بەگەندەڵی و خراپ بەكارهێنانی دەسەڵات تۆمەتباری دەكردن و هەوڵیدەدا ببێتە ركابەریان.
→ website: [ Ссылка ]
→ Facebook: [ Ссылка ]
→ youtube: [ Ссылка ]
→ [ Ссылка ]
→ Instagram: [ Ссылка ]?
hl=enhttps://twitter.com/knncchannel
