VLORE- Shoferët e linjave private të urbanëve në Vlorë por dhe tregtarët e shumicës protestuan sot. Shoferët e linjave private të urbanëve në Vlorë pezulluan për 4 orë në lëvizjen e autobusëve në shenjë proteste kundër konkurencës së pandershme. Nga ana tjetër tregtarët e shumicës janë vendosur para bashkisë dhe protestojnë për gjëndjen e keqe të rrugës.
PROTESTA E SHOFEREVE
Shoferat dhe faturinot e shërbimit Urban të bashkisë së Vlorës kanë zhvilluar një protestë mëngjesin e sotëm duke paralizuar transportin urban për disa orë. Protesta ka nisur që prej orëve të para mëngjesit, kur shoferët nuk kanë nxjerrë asnjë prej 19 autobusave që kryejnë linja të ndryshme urbane deri rreth orës 09.00. Sipas protestuesve ,shkak për reagimin e tyre ka qënë konkurenca e pandershme dhe përplasjet mes linjës shtetërore dhe asaj private e cila ka çuar deri në dhunë fizike në shumë raste. Rasti më i fundit ka qënë dy ditë më parë ku një prej fatorinove është dhunuar nga një punonjës i një shoqërie private.Sipas protestuesve , kjo situatë është mjaft shqetsuese dhe kërkon ndërhyrje të menjëhershme. Ata kanë realizuar një takim me prefektin e qarkut por nuk kanë marrë asnjë zgjidhje deri tani. Ata kërkojnë që të ketë një ndarje të linjave mes transportit privat dhe atij shtetëror në mënyrë korrekte që të ketë një normalizim të situatës pasi nëse nuk ndodh kjo gjë,protesta e tyre do të përshkallzohet.
Protesta e shoferëve të linjave private të urbanëve protstuan në parkun e autobusëve. Ata kanë pezulluar lëvizjen e autobusëve për 4 orë ndërkohë që paralajmërojnë se protesta e tyre do të përshkallëzohet nëse bashkia nuk merr masa për të ndaluar konkurencën e pandershme. Shoferët paralajmërojnë se të premten do të pezullojnë lëvizjen gjatë gjithë ditës së premte.
PROTESTA E TREGTAREVE
Tregtarët e shumicës kanë vendosur të protestojnë para bashkisë. Ata i kërkojnë bashkisë rregullimin e rrugës e cila sipas tyre është krejtësisht e shkatërruar dhe vështirëson punën e tyre. Në një moment policia nuk ka lejuar tregtarët të futen në bashki për të takuar një përfaqësues të bashkisë.
