#oranews #interviste #elvisponari #katerinahysenllari
“Një e ardhme e re për mbrojtjen e investitorit, qëndrueshmërinë dhe reformën e pensioneve”, kështu e cilësoi Konferencën e parë që do mbahet në Tiranë lidhur me pensionet private kreu i Shoqatës së Shoqërive të Sigurimeve të Jetës, Pensioneve dhe Fondeve të Investimeve (SH.SJ.P.FI), Evis Ponari.
Në studion e lajmeve në “Ora News”, Ponari theksoi se qëllimi kryesor i këtij aktiviteti që do të mbahet më 15 Qershor 2023, është nevoja për ndryshimin dhe përmirësimin e kushteve aktuale të tregut të pensioneve private në vendin tonë.
“Edhe pse tregu i pensioneve private është funksional prej 17 vitesh, sërish ka një nevojë për ndërhyrje në legjislacionin aktual që do të bëjë të mundur rritjen e rëndësisë së fondeve të pensionit privat në nivelin rajonal ekonomik dhe social. Fondi, është një ndërgjegjësim jo vetëm për qytetarët, por edhe për vetë bizneset”, u shpreh ndër të tjera kreu i Shoqatës së SH.SJ.P.FI, Evis Ponari.
Në këtë konferencë do të zhvillojmë praktikat më të mira nga rajoni dhe Evropa, në të cilat do tëpërfshihen edhe bashkëpunimet me grupet e interesit për të arritur në implementimin e përmirësimeve të domosdoshme.
Për këtë konferencë, do jenë të ftuar përfaqësues nga Shqipëria dhe përfaqësues të huaj:
AMF, MFE, ISSH, Kryetari i Komisionit Ekonomik, Z.Eduard Shalsi, CEO të Fondeve të Pensioneve, Përfaqësues i MAPAS, Përfaqësues nga Banka Botërore, Përfaqësues tëhuaj, Përfaqësuesnga Delegacioni Europian në Shqipëri, Përfaqësues nga sektori i biznesit për pensionet private Slloveni, Austri, Maqedoni, dhe Kosovë, Përfaqësues nga dhomat dhe shoqatat;
Objektivi i Shoqatës është të mbështesë zhvillimin dhe kontributin në rritjen e qëndrueshme të tregjeve të Sigurimit të Jetës, Pensioneve Private, Fondeve të Investimeve dhe veprimtarive të lidhura me to, duke ndërtuar marrëdhënie të ngushta me aktorët kryesor të Tregut Financiar në Shqipëri.
Qëllimi i Shoqatës është të rrisë ndërgjegjësimin për sigurimin e Jetës, Pensioneve dhe Fondeve të Investimeve dhe veprimtarive të lidhura me to; të kryejë kërkime, e të ofrojë ndihmë profesionale dhe edukative për aktorët e interesuar. Të shpërndajë informacion mbi veprimtarinë e këtij tregu sigurimi Jete, Pensionesh dhe Fonde Investimi.
“Shoqata e Siguruesve të Jetës, Pensioneve Private dhe Fondeve të Investimit”, pritet të japë një impakt të ri në treg dhe përfaqësim më dinjitoz të këtyre grupeve të interesit në tregun shqiptar.
Misioni
Misioni ynë është të përfaqësojmë interesat e anëtarëve tanë, klientëve të anëtarëve tanë, të gjithë investitorëve dhe anëtarëve të fondeve të pensioneve dhe mbajtësve të policave të sigurimit të jetës.
Ne punojmë për të siguruar korniza optimale për investitorët privatë dhe investitorë institucionalë dhe për të siguruar akses të lehtë në menaxhimin profesional të investimeve të tyre.
Vizioni
Vizioni ynë është të ofrojmë shërbimet më inovative dhe efektive nëpërmjet shoqatës që do të mbështesin dhe përmirësojnë industrinë e fondeve të pensioneve, fondeve të investimeve dhe kompanive të sigurimit të jetës në përpjekjen tonë për të ofruar mjetin kryesor të investimeve dhe sigurimit të jetës për shqiptarët.
Shoqatajonë nuk gjeneron të ardhura duke qenë se jemi organizatë jo fitimprurëse. Produktet që ne ofrojmë janë: Sigurim Jete/ Fond Pensioni Privat/ Fond Investimi.
Për më shumë lexoni në: [ Ссылка ]
Follow Televizionin Ora News
Website: www.oranews.tv
Youtube [ Ссылка ]
Facebook: [ Ссылка ]
Instagram [ Ссылка ]
Twitter [ Ссылка ]
