Lajme arkiva 2005
Me sloganin “Forcë e re për një Shqipëri të re,” Lëvizja Socialiste për Integrim ka prezantuar kandidatin e saj në zonën 40 në Tiranë, juristin kryeqytetas, Sokol Nako.
Kryetari i LSI-së, Ilir Meta, është shprehur se në këtë prezantim të veçantë nuk mund të merrej me dy partitë e vjetra, teksa flet për një drejtues profesionist të spikatur brenda dhe jashtë vendit.
LSI, ka thënë Meta, ka arritur të tërheqë ekspertët më të mirë të cilët e kanë kuptuar se pa u ndryshuar politika, nuk mund të ndryshohet e ardhmja e vendit.
Ilir Meta: “Kur kemi të bëjmë me figura të tilla të reja si Sokol Nako, përpara të cilëve përkulen me respekt edhe ekspertët nga më të mirët të Bashkimit Evropian dhe gjithë institucioneve të tjera partnere në rrugën e reformave të vendit tonë, padyshim që ky është një lajm shumë i mirë për politikën shqiptare.”
Ndërsa kandidati për deputet, Sokol Nako, është shprehur se kjo garë është një konkurrim për mënyrën se si duhet qeverisur vendi, duke u ndarë nga e kaluara dhe retorikat e vjetra.
Sokol Nako: “Kjo retorikë shumë e nxehur para elektorale ka si synim të vetëm të fshehë dhe të maskojë përpjekjet për ngritjen e një piramide të re politike, një piramide që në vend të parave tani u kërkon qytetarëve të investojnë në to dhimbjen, ankthin, frikën e së shkuarës, në mënyrë që nesër t’ju kthejë atyre si interes konfliktualitetin, varfërinë edhe korrupsionin.”
Nako ka premtuar angazhim serioz dhe profesional për një frymë të re të dinjitetit qytetar për të ecur të sigurt drejt Evropës.
Sokol Nako është diplomuar si jurist në Universitetin Komenski të Bratisllavës, ndërsa studimet pasuniversitare i ka mbaruar për financë dhe drejtësi në Shtetet e Bashkuara të Amerikës.
Ka qenë ministër i Transportit, Drejtësisë dhe Integrimit në tre qeveri dhe aktualisht punon si avokat dhe pedagog i jashtëm në Universitetin e Nju Jorkut në Tiranë./tvklan.al
Gazetare: Mimoza Koçiu
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
