Алматыда коронавируске шалдыққан адамдар анықталған үйлер қоршалып, карантинге алынды. Бір күн бұрын қала әкімінің орынбасары Алматыда ондай 11 ошақтың бар екенін мәлімдеген. Әкімдік таратқан ресми мәліметте ондай ошақтың саны 10 екені белгілі болды. Алайда олардың нақты мекенжайы хабарланбады. Тек ошақ саны Алматы аудандары бойынша көрсетілген. Қазір қоршалған үйлерді күштік құрылым мен әкімдік өкілдері, санитарлық қызмет мамандары бақылап тұр.
