Կառավարությունը մտադիր է հունվարի 1-ից ռեստորաններ, հանրային սննդի այլ վայրեր մուտքը թույլատրել միայն պատվաստման սերտիֆիկատով կամ բացասական թեստով: Առողջապահության նախարարը խոսել է նոր սահմանափակումների մասին, աշխարհի որոշ երկրներից մուտքը Հայաստան արգելվելու է, պատճառը տարածվող նոր շտամն է: Նախարարը նաև հայտնել է, որ մինչև այսօր Հայաստանում կորոնավիրուսից մահացածների մեջ ընդամենը 23-ն են եղել պատվաստված, ընդ որում՝ բոլորն ունեցել են այլ հիվանդություններ:
