Lajme Arkiva - TV Klan 2001
Lagja e Kombinatit një nga më të mëdhatë e kryeqytetit, ka pritur sot krerët më të lartë të Partisë Socialiste. Ata kanë prezantuar kandidaten e tyre për këtë zonë, kryetaren e FRESH-it Monika Kryemadhi.
Monika Kryemadhi:- “Jam mikja juaj, jam shoqja juaj, jam Monika e juaja. Ju faleminderit që erdhët sot, faleminderit që më besoni, ju faleminderit që do të më votoni”.
Rruga e bërë gjatë këtyre katër viteve, ka qenë në fokusin e fjalëve që mbajtën me radhë kryetari socialist Fatos Nano dhe kryeministri Meta.
Fatos Nano, Kryetar i PS:- “Gjatë katër viteve ne transformuam Shqipërinë, duke e kthyer në një shtet modern, me ekonomi dinamike, me paga dhe të ardhura që rriten më shpejt se çmimet, me drejtësi të pavarur dhe rend publik të konsoliduar. Për katër vitet e ardhshme, të cilat fillojnë më 25 Qershor, ne, do t’i japim atdheut tonë të përbashkët, standarde dhe vlera të një shteti evropian”.
Kryeministri Ilir Meta:- “Ne kemi besim sepse e gjithë Tirana po ndryshon, sepse e gjithë Shqipëria po ndryshon, për fat të keq vetëm opozita e Sali Berishës nuk po ndryshon. Megjithatë të gjithë së bashku do t’i japim edhe katër vjet kohë që të ndryshojë, duke i lënë në opozitë dhe duke i dhënë mundësi që të lajnë shpirtin e tyre nga mëkatet e vjetra dhe mashtrimet e reja”.
Kryetari i Bashkisë së Tiranës Edi Rama tha në fjalën e tij, se me këtë votë shqiptarët do të vendosin për të ardhmen e vendit ose për regresin e tij.
Edi Rama:- “Zgjedhjet e 24 Qershorit, nuk janë një garë mes votuesve të dy partive, zgjedhjet e 24 Qershorit, janë një referendum popullor, që duhet dhe do t’i jap përgjigje përfundimtare për fatin e Shqipërisë, ku do të shkojë Shqipëria, përpara drejt Europës apo mbrapa drejt rifillimit të ciklit të krizave”./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
