Опат болған шекара қызметі директорының міндетін уақытша атқарушы Тұрғамбек Стамбековтың артында екі баласы қалды. 26 жастағы Алмас Стамбеков "әке жолын қуамын" деп кезінде шекара қызметіне барғысы келген. Алайда физика-математикалық мектепке зейіні ауып, банк қызметкері болған. Бала кезінен әкесінің қасында жүріп, шекара заставаларын жатқа білетін Алмас үшін әскери өмір жат емес. 19 жастағы қарындасы екеуі әке-шешесімен 28 желтоқсанда Алматыда кездесеміз деп уағдаласыпты. Алайда аяқ астынан, құлаған ұшақта ата-анасының көз жұмғаны жайлы суыт хабар келген.
