Raporton gazetarja Bleona Metushi
Në një seancë e cila nisi rreth orës 15:00 të ditës së sotme dhe nuk zgjati më shumë se 1 orë, Prokuroria e Posaçme i kërkoi gjykatës të dënojë me 1 vit burgim kryebashkiakun e Mallakastrës Qerim Ismailajn. Prokuroria e Posaçme e akuzon atë për falsifikim të formularit të vetëdeklarimit me argumentin se ai nuk kishte deklaruar saktë në të një dënim të marrë në vitin 2000 në Greqi për akuzën e rrahjes, një dënimin i cili sipas ligjit të Dekriminalizimit, ishte e detyrueshme që të deklarohej.
Ndërkohë, në përfundim, Prokuroria e Posaçme argumentoi përballë gjykatës se për shkak të rrezikshmërisë së ulët të veprës penale por edhe të vetë kryebashkiakut, ky dënim me burg të konvertohej në 100 orë punë në interes publik. E nëse kjo kërkesë pranohet nga palët në proces, do t’i japë një “kartë” në dorë kryebashkiakut për të ruajtur detyrën e tij në krye të Bashkisë së Mallakastrës. Megjithatë, më herët, nëpërmjet avokatit të tij Andi Skënderi, Qerim Ismailaj ka pretenduar pafajësi duke pretenduar se ai nuk ka pasur dijeni për gjykimin që është zhvilluar në Greqi për të dhe për këtë motiv nuk ka pasur se si të deklarojë diçka që nuk kishte dijeni.
Për të gjitha këto pretendime të Prokurorisë së Posaçme por edhe të avokatit dhe vetë Qerim Ismailajt, do të pritet data 28 Tetor, kur është lënë dhe seanca e radhës dhe pritet të dilet me një përfundim. Nëse ai shpallet i fajshëm dhe dënohet për një vepër penale ashtu sikurse e parashikon ligji, rrezikon që të shkarkohet. Por ligji parashikon që duhet të jetë një vendim i formës së prerë dhe duhet të pritet beteja më tej edhe në gjykatën e apelit, ndërkohë që me kërkesën e bërë nga ana e Prokurorisë së Posaçme për konvertimin e dënimit në 100 orë punë në interes publik, do t’i jepet një “kartë” në dorë kryebashkiakut Qerim Ismailajt, kjo për shkak se në vetvete në rast të konvertimit nuk do të quhej një dënim.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
