Այսօր Ազգային ժողովը, ինչպես սպասվում էր, վարչապետ չընտրվեց. «Ելք» խմբակցության կողմից վարչապետի Նիկոլ Փաշինյանի թեկնածությանը դեմ էր մեկ պատգամավոր, 11 ձեռնպահ։ Կողմ պատգամավոր չեղավ։
ԱԺ նախագահ Արա Բաբլոյանը ընտրության արդյունքները հրապարակելիս ժպտալով շնորհավորեց. «Շնորհավորում եմ չընդունված որոշման համար»։
Ձեռնպահ էին «Ելք» և Հանրապետական խմբակցություններից։ Քվեարկությունից առաջ ԱԺ բոլոր խմբակցությունները հայտարարեցին, որ չեն մասնակցելու քվեարկությանը։
Նշենք, որ վարչապետի այս ընտրությունը ֆորմալ ընտրություն էր և ինչպես հայտարարել էին «Ելք»-ի պատգամավորները, թեկնածուին առաջադրել էին զուտ Սահմանադրությամբ պահանջվող ընթացակարգերն ապահովելու համար։
