Təhməz Əvəzoğlu Mehralıyev
1933-cü ilin aprel ayının 22-də Qubadlı rayonunun Qayalı kəndində dünyaya göz açıb. Orta məktəbi bitirdikdən sonra Naxçıvan şəhərində rabitə ixtisası üzrə texniki məktəbə daxil olur.

Həmin təhsil ocağında təhsilini bitirdikdən sonra Qubadlı rayon radio qovşağında işə başlayır. Gənc yaşlarından poeziyaya şeiriyyətə vurğun olan Təhməz Əvəzoğlu özü gənc ikən şeirlər yazmağa başlayır. Şeirləri Qubadlı rayon mətbuatında dərc olunur. 1954-cü ildə Hürzad adlı xanımla ailə həyatı qurur. 1968-ci ildə qəza nəticəsində gözünün nurunu itirir. Qardaşı Fərəməz Təhməzin bu halına dözə bilmir, 1969-cu ildə dünyasını dəyişir.
1993-cü ildən (Qubadlı və Qayalı kəndinin işğalından sonra) şair və ailəsi Sumqayıt şəhərində məskunlaşır, qaçqınlıq, həyatının acılarını, Vətən, Torpaq, el-oba dərdini yana-yana yaşayır və qələminin əsas hərəkət dinamikasını Vətən mövzusuna həsr edir.
Təhməz Əvəzoğlu “Zülmətdən boylanan işıq, Qubadlı yurdum mənim, Qubadlıdan nigaranam” adlı kitabların müəllifidir. O, 2004-cü il noyabr ayının 12-də dünyasını dəyişib. 2011-ci ildə şairin ölümündən sonra “Azərbaycan Mədəniyyəti İnciləri” lahiyəsi çərçivəsində Poeziyamızdan kövrək yarpaqlar mövzusunda “ Qubadlıya gəl ” adlı şerlər kitabı işıq üzü görüb. Allah rəhmət eləsin!

свернуть