وزیراعظم شہباز شریف کوٹ لکھپت جیل لاہور کا دورہ کر رہے ہیں
وزیراعظم شہباز شریف کا عید کے موقع پر سینٹرل جیل کوٹ لکھپت کا دورہ۔
وزیراعظم نے ہسپتال، کچن اور خواتین قیدیوں کی بیرک سمیت سینٹرل جیل کے مختلف حصوں کا معائنہ کیا اور جیل میں قیدیوں کے لیےذاتی صفائی ستھرائی اور دیگر سہولیات کی یقینی فراہمی کی ہدایت دی۔
وزیراعظم شہباز شریف نے کہا کہ بیمار قیدیوں کےمناسب علاج معالجہ کیلئے اور ادویات کی فراہمی کے لیے خصوصی اقدامات کی ضرورت ہے۔ جیل میں قیدیوں کی ضمانت اور قانونی چارہ جوئی کے لیے مالی امداد کے منتظر قیدیوں کی امداد کا انتظام کیا جائے۔
وزیراعظم نے آئی جی جیل خانہ جات اور آئی جی پنجاب کو قیدیوں کی فلاح و بہبود اور سہولتوں کی فراہمی کے لیے جامع منصوبہ اور حکمت عملی ایک ہفتہ میں ترتیب دینے کی ہدایت بھی کی۔
(April 22, 2023)

свернуть