Lajme Arkiva - TV Klan 2002
Bashkia e Tiranës ka ngritur shtabin e emergjencës në ndihmë të banorëve të përmbytur. Në stadiumin Dinamo, bashkia ka instaluar dy numra telefoni, ku qytetarët e dëmtuar mund të kërkojnë ndihmë teknike, për heqjen e ujit nga bodrumet dhe katet e para.
Blendi Gonxhe:- “Tani duke përjashtuar shpjegimet për gjithçka ka ndodhur përpara, harrojmë atë pjesë, ajo është një gjë që do të zgjidhet, do studiohet, do hetohet, do merren masat e duhura, ne jemi tani duke zgjidhur problemin që lidhet me pasojat e asaj që ka ndodhur. Me që nuk kemi më ujëra dhe meqë niveli i ujit ka rënë, tani do të merremi me të gjithë banorët që kanë probleme me përmbytje, bodrume të përmbytura, shtëpi të përmbytura, kanalizime të bllokuara etj. Ky aksion bëhet i mundur me të gjitha mjetet e bashkisë së Tiranës, me elektromotorë dhe gjeneratorë, që ne do t’i blejmë dhe falë edhe ndihmës së disa biznesmenëve privat që po sjellin pajisje ndihmëse për Bashkinë e Tiranës”.
Ndërkohë ka zbritur në terren edhe policia bashkiake, duke identifikuar banesat më të dëmtuara. Me marrjen e ankesës së parë, mjetet janë nisur në drejtim të banesës së përmbytur. Një elektropompë dhe një gjenerator janë instaluar duke hequr ujin nga ky bodrum./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
