#oranews #adriançapja #pretenca #vrasje #nezirbeqiri #gentianbeqiri
Prokuroria e Posaçme ka kërkuar një total prej 271 vitesh burg për të akzuuarit për vrasjen e Gentian e Nezir Beqirit në Elbasan në vitin 2012. Dënime kapitale u kërkuan për Ardian Çapjen dhe Olsi Lekun, ndërsa për të pandehurit e tjerë nga 20 vjet heqje lirie. Viktima Gentian Beqiri ndodhej në "arrest shtëpie" për vrasjen e Sokol Çapjes në kohën kur u ekzekutua bashkë me babain si pasojë e përplasjes mes grupeve të Elbasanit.

Prokuroria e Posaçme ka kërkuar dy burgime të përjetshme për vrasjen e Gentian e Nezir Beqirin në gusht të vitit 2012 në Elbasan.

Përfaqësuesi i SPAK, Behar Dibra, kërkoi dënimin kapital për Ardian Çapjen dhe Olsi Lekun, ndërkohë, për Florenc Çapjan pretenca e prokurorisë ishte 25 vite heqje lirie.

Në vazhdim prokurori Dibra kërkoi 6 vjet burg për Ervis Bardhin, bashkëpunëtor i drejtësisë, dhe nga 20 vjet burg për Klajdi Dekolin dhe Etjen Canin.

Ngjarja e rëndë ndodhi në lagjen “Qemal Stafa” të Elbasanit.

Viktima Gentian Beqiri, që njihej ndryshe edhe me emrin Ardian Meta, ishte në "arrest shtëpie" prej rreth 2 vitesh e gjysmë në banesën e tij, pasi dyshohej si i implikuar në vrasjen e biznesmenit Sokol Çapja, në vitin 2005.

Krahas kësaj, 40-vjeçari Beqiri kishte më shumë se 6 vjet që ishte thuajse i paralizuar, pasi në tentativë për t’i shpëtuar policisë, u hodh nga lartësia.

Ditën e ngjarjes, nëna e Gentian Beqirit doli nga shtëpia për të bërë pazarin ndërkohë që ky moment është shfrytëzuar nga autorët, të cilët arritën të hyjnë në banesë edhe pse viktimat ruheshin me policë tek dera.

Dy autorët janë prezantuar si djem të tezes së Gentian Beqirit, madje njëri prej tyre e ka pyetur policin nëse ishte “tezja” në shtëpi.

Efektivi u ka thënë të panjohurve se e zonja e shtëpisë sapo kishte dalë.

Më pas njëri nga autorët i ka rënë derës së banesës, të cilën e ka hapur Nezir Beqiri, babai i moshuar i Gentianit.

Vrasësit kanë qëndruar brenda vetëm pak minuta dhe kanë dalë duke ecur normalisht.

Për shkak të qëndrimit të shkurtër në banesë, policët i kanë pyetur në dalje dy autorët dhe kanë nisur të dyshojnë, por ekzekutorët janë larguar me vrap nga skena e krimit.

Gentian e Nezir Beqiri u ekzekutuan me armë me silenciator brenda banesës, duke u qëlluar disa herë me plumba në kokë dhe trup.

Për më shumë lexoni në:[ Ссылка ]

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть