الجو فيه نسمه سقعه كدا تخلي الواحد يقوم يعجن حبه قرص طريه ريحتها تملأ البيت بروائح الشتا الحلوه❤️يللا بينا #بسم_الله_بتحلي_اي_اكله
المقادير✅
كيلو دقيق
كوب سمنه او سمنه علي زيت
كوبين لبن رايب أو زبادي او حليب ملكوش حجه😉
معلقه كبيره خميره
ربع كوب قشطه
٣معالق كبيره سكر
معلقه خل
تلت معالق سمسم للكيلو دقيق حسب الرغبه
نص معلقه صغيره بيكنج بودر
🌟الطريقه🌟
هننخل الدقيق كويس جدا ونضيف عليه السمنه ونبسهم كويس مع بعض
👈وبعدين نضيف باقي المكونات ورشه ملح بسيطه
ونلم العجينه بس بأيدينا كدا ما نعجنش كتير عشان الجلوتين ما يشتغلش ويعمل عرق في العجينه👌نركز 😉

👈نتركها في مكان دافئ عشان تختمر🤌
بعدما حجمها يتضاعف وتخمر كويس نقطعها كرات متساويه ونبطهها علي شكل دائره سمكها نص سم تقريبا✅
ونسيبها تخمر مره كمان وبعدين نخبزها علي حراره ٢٠٠ لحد ما تحمر من تحت نروح مولهين الشوايه عشان تخمر من فوق

✅تريكات وملحوظاات✅
👈الفرن لازم نولعه قبل ما نحط القرص يكون سخن جدا👌

👈السر في أن القرص تطلع هشه ومش مكتومه هوا التخمير الجيد ما تستعجليش عليها لو سمحتي هتاخدي احسن نتيجه أن شاء الله 🤝
اهم حاجه بقا✅✅✅✅ أنها اول ما تطلع من الفرن نديها رشه ميه بالبخاخه ونغطيها بفوطه عشر دقائق عشان تبقا طريه ومتنشفش
✅تنفع باللبن القاطع اللي عندك والله يللا قومي اعملي

свернуть