Խոսք և երաժշտություն՝Վահրամ Մթնշաղի
Ձայնագրություն, մշակում ՝Գոռ Թադևոսյան
Օրեր
Այս անձրևն ուշացավ ու հոգուս արտերում կորեկը խանձվեց
Բայց դալար մնացին աներես փշերը վախի
Երբ քամին օդ հանեց փշրանքներն ու դեմքիս հարվածեց
Հասկացա որ նրան այս անգամ անդարձ կորցրեցի։
Նա էլի ուշացավ ու նստած ինքս ինձ եմ հեգնում
Չի փրկի էլ ավաղ աչքերիս արտասուքը աղի
Ու իզուր եմ անվերջ խարխլված պատերը ճանկռում
Հույս չկա էլ արդեն հատակին քրքրված այս մաղի
Ախ օրեր իմ օրեր Իմ օրեր իմ օրեր
Ձեր մաշված ծալքերում ախ որքան ապրած կյանք եմ թողել
Ետ եկեք օրեր իմ օրեր Իմ օրեր Իմ օրեր
Չեմ ուզում չոր հողում դեռ շնչող մարմինս թաղել...
Կներես միակ սեր իմ, քեզ այնքան, այնքան շատ եմ դաղել
Չեմ մերժել ես երբեք շպրտած ձեռնոցը խաղի
Դուք ներեք ընկերներ իմ ու կանայք ահել ու ջահել
Թե սրտում ձեր թողել եմ նոր ծլած սերմերը թույնի...
Ախ օրեր իմ օրեր Իմ օրեր իմ օրեր
Ձեր մաշված ծալքերում ախ որքան ապրած կյանք եմ թողել
Ետ եկեք օրեր իմ օրեր Իմ օրեր Իմ օրեր
Չեմ ուզում չոր հողում դեռ շնչող մարմինս թաղել...
Ախ օրեր իմ օրեր Իմ օրեր Իմ օրեր
ես ձեզնից մեկի մոտ իմ հին տան բանալին եմ թողել...
Ախ օրեր իմ օրեր Իմ օրեր
ուզում եմ ապրել...
14.05. 2017 թ
![[Playlist Album 01] Kdrama OST | Favourite Kdrama Songs](https://i.ytimg.com/vi/NjYXJkAxmkY/mqdefault.jpg)
![[달려라 석진] EP.16 | 나야, 좀비](https://i.ytimg.com/vi/nnO1o6TYhaM/mqdefault.jpg)
![Divine Music - Winter Essentials 2024 [Ethnic & Deep House]](https://i.ytimg.com/vi/PE9gjbhyZ_U/mqdefault.jpg)
