Emri i Ilir Metës do të shkruhet te fleta e votimit si udhëheqës i koalicionit Bashkë Fitojmë. Komisioni për Ankesa dhe Sanksione ka pranuar ankimimin e Partisë Demokratike.
Gjatë shqyrtimit të modelit të fletës së votimit nga Komisioneri Ilirjan Celibashi, koalicioni Berisha-Meta nuk vendosi emrin e Ilir Metës, si kryetar i partisë udhëheqëse të koalicionit zgjedhor.
Kërkesa për të mos pasur një emër u miratua nga komisioneri Celibashi, që tha se u takon partive të koalicionit të zgjedhin nëse e duan apo jo emrin e kryetarit në fletën e votimit.
Por, Partia Demokratike e kundërshtoi vendimin dhe e ankimoi atë në Komisionin për Ankesa dhe Sanksione duke deklaruar se mosvendosja e Ilir Metës në fletë ishte e qëllimshme për të ngatërruar votuesit e saj.
Pas apelimit të PD-së, Partia e Lirisë dorëzoi një shkresë në KQZ, ku e njofton këtë institucion se udhëheqësi i koalicionit është Sali Berisha dhe kërkon vendosjen e emrit të tij në fletën e votimit sipas parashikimeve të Kodit Zgjedhor.
Neni që iu referohet kërkesa është neni 98 i Kodit Zgjedhor, që në pikën 3 të tij thotë tekstualisht se emrat e subjekteve zgjedhore vendosen në fletën e votimit, sipas rendit të përcaktuar në mënyrë të rastësishme nga shorti. Përbri emrit të partisë vendoset sigla, shkronja nistore dhe emri i kryetarit të partisë.
Por, Sali Berisha nuk është kryetar i asnjë partie që është pjesë e koalicionit Bashkë Fitojmë dhe për këtë arsye KAS e rrëzoi kërkesën e Partisë së Lirisë dhe urdhëroi vendosjen e emrit të Ilir Metës.


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#TopChannel

свернуть