ԱՍՏԾՈ ԱՐՀԵՍՏԱՆՈՑԸ / GOD'S WORKSHOP ** Episode 096

ԿՐՈՆԸ ՉԻ ՓՐԿՈՒՄ. ՔՐԻՍՏՈՍՆ Է ՓՐԿՈՒՄ
Ընթերցանություն. Հովհաննես 5.31-47
Ես հանդիպել եմ այնպիսի մարդկանց, ովքեր հպարտորեն հայտա-
րարում են, որ շատ անգամ են կարդացել Աստվածաշունչ, ուսումնասի-
րել են կրոններն ու նույնիսկ գիտական կոչումներ ունեն այդ ոլորտում,
սակայն, երբ խոսքը գնում է Աստծո հետ իրենց անձնական հարաբե-
րության մասին, նրանք կա՛մ կարկամում են, կա՛մ էլ թեմայից խուսա-
փում:
Մի երիտասարդ սկսեց մեր աստվածաշնչյան սերտողության խմբա-
կին մասնակցել: Նա շատ կրթված անձնավորություն էր և տարիներ շա-
րունակ ուսումնասիրել էր Աստվածաշունչը: Նա նաև արևելյան կրոն-
ներն ու աստվածաբանությունն էր ուսումնասիրել: Այդ երիտասարդն
այնքան լավ գիտեր Աստվածաշունչը, որ մեզ համար մեջբերումներ էր
կատարում: Նա հավատում էր, որ Աստծո և հոգևոր բաների մասին սո-
վորելով և դրանք սերտելով` մարդը կարող է հավիտենական կյանք
ստանալ:
Նրան ամենաշատը վրդովեցնում էր այն փաստը, որ մենք Հիսուսին
անվանում էինք մեր Տերն ու Փրկիչը: Նա խոսում էր Հիսուսի մասին,
աղոթում էր Հիսուսին, բայց նրան միայն Մեծ Մարդ էր անվանում ու չէր
հավատում, որ Հիսուսը կարող է փրկել:
Այսօր շատերն են հավակնում հավատալ Հիսուսին: Նրանք սերտում
են Աստվածաշունչը, նույնիսկ սովորեցնում ու քարոզում այն, բայց Հի-
սուսից փրկություն չեն խնդրում:
Հիսուսն ասաց.
«Քննեցե՛ք գրքերը, որ դուք կարծում եք, թե նրանցով ունեք հավի-
տենական կյանք, և նրանք են, որ ինձ համար վկայում են: Եվ դուք չեք
կամենում ինձ մոտ գալ, որ կյանք ունենաք: Ես իմ Հոր անունով եկա, և
ինձ չեք ընդունում, եթե ուրիշը գա իր անունով, նրան կընդունեք»
(Հովհ. 5.39-40, 43):
Սոսկալի է մտածել, որ Աստվածաշունչն այդքան ջանասիրաբար ու-
սումնասիրող բազմաթիվ մարդիկ կարող են այդքան կույր լինել: Սա-
կայն ավելի աններելի է այն, որ նրանք շարունակում են մերժել Հիսու-
սին նույնիսկ այն բանից հետո, երբ Տեր Հիսուսը նրանց հետ խոսում է
բարեպաշտ մարդկանց կամ Սուրբ Հոգու միջոցով:
Մարդիկ չեն ընդունում Հիսուսին. իսկական պատճառն այն չէ, որ
նրանք չեն հասկանում Աստվածաշունչը կամ Հիսուսին հավատալն
անհնարին են համարում: Հիսուս Քրիստոսին վստահելու մեջ անհնա-
րին բան չկա: Իսկական պատճառն ու մեղքը մարդու սեփական կամքի
մեջ է: Նա իր ուրույն կենսակերպը Հիսուս Փրկչից ավելի է սիրում:
Մարդն ուզում է հավիտենական կյանք ունենալ` միաժամանակ քայլելով
աշխարհիկ ճանապարհներով:
Դու բացահայտե՞լ ես Հիսուսին Աստվածաշնչի մեջ: Եթե` այո, ապա
նա դարձե՞լ է քո Տերն ու Փրկիչը:

FOLLOW US ON FACEBOOK:
[ Ссылка ]...

FOLLOW US ON OUR WEBSITE:
[ Ссылка ]

CONTACT US FOR MORE INFORMATION:
info@josephhovsepianministries.com

свернуть