إشترك وفّعل التنبيهات في قناة فايز الدوسري الرسمية للحصول على أحدث إصداراته الفنية

[ Ссылка ]

لإستماع العمل على كافة المنصات الموسيقية



فايز الدوسري - وفاء الروح (حصرياً) | 2023



كلمات: عايض العتيبي
أداء: فايز الدوسري
هندسة وتوزيع: ناصر الشيباني
توزيع ديجيتال: الفان ديجيتال
تصميم: مشاري بن بتال


يا وفا الروح وألهامي بجزل القصيد
    كل بيتن من بيوتي بوصفك سما

من بعد شوف وجهك صرت ما شوف غيد
    كن صايب عيوني لغير شوفك عما

العيون الوساع وخصر ناحل وجيد
   وبشرتن من وراها بان عرق الدما

وحاجتن ما توصّف فار منها الوريد
   فارت عروق دمي دون ليه ولما

والنفس لو مـ شمّه عود سيّد جنيد
    لا حشا وش جنيد اطيب ولا هو كما

ناعمه لينه عوبا وراسن عنيد
   كل ما قلت ابروى زدت منها ضما

صوبتني بسهم العشق وانا بعيد
   ما رمت اذ رمت سبحان منهو رما

ويش ابذكر بحسنك يالغزال الفريد
    مترفه بنت قرم وفاتنه وطخما

بنت قرمن ليا دق الحديد الحديد
    دون وجهه وفعله صاملن ويحما

فيه حكمه ومنبع كل راين سديد
    لابته به تفاخر .. وافتخر طالما

لابتن في يديها طاح شيخ وعقيد
   فعلها للعرب واضح ماهو مبهما

ولابتي فعلها من قبل ساعي البريد
    يوم كلن وفعله فوق ظهر دهما

فعلنا من قديم الوقت ماهو جديد
    خصمنا ينشب لسانه بوسط الجما

فالحجاز وفي نجد وكل ارضن وبيد
   انتزعم ماكن الارض فيها ازعما

مير يا فتنتي والقلب ماهو بليد
   اما ان الوصل .والعشق ؟؟ اااان  واما

كم هنوفن تبي قلبي وقلبي زهيد
   قلبي ابعد عليها من نجوم السما
   
دام قرسك بقلبي صار طلعه نضيد
   والوفا والوله لك يا يا حياتي زما
  
ولو يزيد الوصل قول هل من مزيد
   يمكن اموت بك واموت لك ربّما

ولا ابي غير شوفك .. والاهم الاكيد
   ما ابي غير صوتن جعل ماهو هما

свернуть