Bojkoti i mësimit në universitete ka vijuar edhe në ditën e dytë të nisjes së vitit akademik.
Pedagogët gjatë paradites janë grumbulluar para fakulteteve të tyre.
Ndërsa stafi akademik i universitetit politeknik është bashkuar para korpusit universitar.
Kreu i sindikatës së punonjësve të universiteteve ka deklaruar vijimin e protestës deri në plotësimin e kërkesave të tyre.
“Sindikata e punonjësve të universitetit të Shqipërisë deklaron vijimin e protestës edhe në ditët në vijim në formën e ndërprerjes së plotë të procesit mësimor gjatë gjithë ditës si dhe nëpërmjet grumbullimit para fakulteteve në orën 10”, ka thënë Kreu i Sindikatës së Punonjësve të Universiteteve Sandër Kovaçi.
Pedagogët kanë deklaruar se tarifat e studentëve nuk duhet të përdoren për rritje të pagave, ndërsa rritja 7% është minimale.
Në rankimin e Komunitetit Europian për pagën mesatare të pedagogut jemi të fundit në Europë. Jemi më poshtë se Kosova dhe Maqedonia, por dhe më poshtë se Bosnjë-Hercegovina. E dyta qeveria të shohë premtimin që ka dhënë sot dhe 8 vite më parë të 5 përqindëshit të GDP për arsimin”, ka thënë pedagogu i Universitetit të Arteve, Ardian Isufi.
“Universiteti është vendi i shpresës, por çfarë shprese mund të ngjallin universitetet tona me pedagogët më të keqpaguar në Europë, të pa financuara, pa kërkime shkencore, me laboratorë të shekullit të kaluar, me mjedise jo funksionale të pa rikonstruktuara, pa literaturë bashkëkohore”, ka thënë ka thënë Sandër Kovaçi.
Edhe në universitetet e rretheve pedagogët kanë vijuar me bojkotin e mësimit. Ashtu si dhe në Tiranë, pedagogët e universitetit të Durrësit, Korçës, Elbasanit dhe Shkodrës kanë protestuar para ambienteve të universiteteve.
Klan Neës
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
