Маңғыстау облысында Ақтау қаласын Құрық теңіз портымен жалғайтын автожол салынып жатыр.
Ұзындығы 22 шақырымды құрайтын жолдың стратегиялық және экономикалық маңызы зор. Бұл көлік дәлізі арқылы Ресей, Қытай мен Орталық Азиядан Құрық айлағына мыңдаған тонна жүк тасымалданып, көрші елдермен тауар айналымның артуына мүмкіндік береді. Жобаға мемлекет қазынасынан 10 млрд теңге бөлінген. Қазір құрылыс қарқынды жүруде. Жол төсеуге Қарақия ауданының 231 тұрғыны мен 136 техника жұмылдырылған. Екі жолақты тасжол жыл соңында пайдалануға берілмек.
Тұрбек Спанов, облыстық жолаушылар көлігі және автомобиль жолдары басқармасы басшысының орынбасары:
-Түпкілікті мақсаты – Ақтөбеден, Ресей Федерациясынан және Өзбекстан, Орталық Азиядан келетін жүктерді осы Маңғыстау өңіріндегі Құрықтағы Саржа порты арқылы әрі қарай шетелдерге шығару. Парсы шығанағына, басқа да көршілес мемлекеттерге осы тауарларды шығару.
