Arzu Əliyeva "Korkut Ata" film festivalında mükafatlandırıldı - Baku TV
Azərbaycan filmləri noyabrın 8-dən 12-dək İstanbulda keçirilən birinci “Korkut Ata” Türk Dünyası Beynəlxalq Film Festivalında təmsil olunub.
Festival çərçivəsində keçirilən mükafatlandırma mərasimində Bakı Media Mərkəzinin prezidenti Arzu Əliyevaya “Şərəf mükafatı” təqdim olunub. Mükafatı Türkiyənin Mədəniyyət və turizm naziri Mehmet Nuri Ersoy təqdim edib.
Arzu Əliyeva Bakı Media Mərkəzini bu yüksək mükafata layiq gördüklərinə görə festival rəhbərliyinə təşəkkürünü bildirib.
Türkiyənin Mədəniyyət və Turizm Nazirliyinin təşkilatçılığı ilə keçirilən festivala ölkəmizlə yanaşı, Türkiyə, Qazaxıstan, Özbəkistan və Qırğızıstandan 100-dən artıq kinematoqrafçı, ümumilikdə isə 1000-dən çox qonaq qatılıb. Ölkəmizdə audiovizual məhsulların istehsalı sahəsində aparıcı mövqeyə sahib Bakı Media Mərkəzinin “Miras”, “Sonuncu” və “BİZ” filmləri festivalın geniş auditoriyasına təqdim edilib.
Mərasimində çıxış edən Azərbaycanın mədəniyyət naziri Anar Kərimov 2023-cü ildə təşkil olunacaq festivalın Azərbaycanın mədəniyyət paytaxtı Şuşada keçiriləcəyini bildirib.
Festivalda sənədli və bədii film kateqoriyalarında mükafatlar təqdim edilib. “Ən yaxşı bədii film” mükafatı Azərbaycan filminə verilib. Hilal Baydarovun “Səpələnmiş ölümlər arasında” filmi “Ən yaxşı bədii film” seçilib.
________________________________
Pulsuz Elanlar:[ Ссылка ]
Website: [ Ссылка ]
Bizi izləyin: [ Ссылка ]
****
Bizi Sosial Şəbəkələrdə izləyin
Facebook: [ Ссылка ]
Instagram: [ Ссылка ]__
Tiktok: [ Ссылка ]
****
Kanalımızın məqsədi dünyada və ölkədə baş verən ən vacib və maraqlı xəbərləri Azərbaycan və Rus dillərində geniş auditoriyaya çatdırmaqdır
****
2018/2021 © All Rights Reserved ℗ Baku TV
#BakuTv #Azerbaycan #trend
