Шымкент қаласы әкімдігінің бастамасымен қалалық халықты жұмыспен қамту орталығынан Нұр-Сұлтан қаласына 50 мың медициналық бетперде жөнетілді. Бұл оңтүстіктен елордаға жолданып отырған алғашқы көмек емес. Ал осыған дейін басқа өнім тіккен фабрикалар жұмыс бағытын өзгертіп, халықты маскамен қамтамасыз етуге кірісті. 50 мыңнан астам қорғаныс бетпердесі карантинге жабылған елордаға жеткізіледі. COVID-19 тарағалы медициналық бетперделер тапшылығы сезілуде. Осыған байланысты, Шымкент қаласының әкімі Мұрат Әйтеновтің тапсырмасымен жергілікті фабрикалар жаппай бетперде тігуге кірісті. Ортақ іске волонтерлер де жұмылды.
