قشر الخروب الطافحات المقاليع
اللي ما منها الا الأذى والأهانه
مبخشات عيون زرق الترابيع
ومخسرات الي عليهن رهانه
يخل(ن) رقاب النشاما مدانيع
ويفشل(ن) راع الولع مع أخوانه
لا عرض المقلوع منهن على الريع
وقام يتنخر .. بالهوى برقيانه
قلولي اطرف صدوق المطاليع
الي عليه بمثل ذولي ضمانه
خط واربشٍ مرهي وساطي وهليع
مثل الكريم الي وسيع بطانه
ان قدموه بنازحات المراتيع
يهد وإن جنب مكانه .. مكانه
رقم يضيع كل الأرقام تضيع
يوزع اصفاره على كل خانه
ويطوع الأقشر من البرق تطويع
وإن كثر عناده يتله بـ أذانه
صدرٍ من صدور الحرار البواتيع
نبطي نعدد فـ الجزايل سمانه
ياكثر ماله في رفيقه منافيع
مكبرٍ راسه .. ومرهيٍ لسانه

#مقناص #ابيات_شعريه #ياسر_التويجري #قصيد #ابيات #شعر #طيور #صقور #قشر_الخروب

свернуть