Мақат ауданында мүмкіндігі шектеулі балаларға арналған оңалту орталығы ашылды. Аудандық емханадағы «Жартылай стационарлық үлгідегі ұйымның күндізгі бөлімшесі" психоневрологиялық ауытқулары бар, тірек қимыл аппараты бұзылған балаларға арнаулы әлеуметтік қызмет көрсетеді.
Ол үшін аудан бюджетінен 18 млн теңге қаржы бөлінген. Бөлімшеде 8 қызметкер еңбек етеді. Қазіргі таңда аудандағы 170 мүмкіндігі шектеулі баланың 44-не үйден арнаулы қызметтің 7 түрі көрсетіледі.Қазір бұл орталықта 15 бала ем қабылдауда.
