Deri në fund të muajit Korrik të këtij viti vlera e rezervës valutore arriti në 5.61 miliardë euro, vlera më e lartë e regjistruar ndonjëherë.
Sipas Bankës së Shqipërisë vlera e kësaj rezerve është rritur me 64 milionë Euro të tjera gjatë Korrikut, e thënë ndryshe krahasuar me një vit më parë vlera e rezervës është rritur me 12%.
Pjesa më e madhe e rritjes vjetore të rezervës valutore erdhi në muajin Qershor, kur Shqipëria realizoi emetimin e Eurobondit të gjashtë në historinë e saj.
Këto shifra në rritje kanë ardhur edhe për shkak se Banka e Shqipërisë po adopton strategjinë e zgjerimit gradual të rezervës nëpërmjet blerjes së Euros në tregun e brendshëm valutor.
Këtë verë, Banka e Shqipërisë vendosi të rrisë shumën e planifikuar të blerjeve të valutës për vitin 2023, si një masë për të frenuar forcimin e monedhës vendase në kursin e këmbimit valutor.
Sipas Bankës Qendrore shuma e parashikuar e blerjeve për vitin kalendarik do të rritet në intervalin mes 220 dhe 300 milionë eurove, nga intervali i mëparshëm prej 160-220 milionë eurosh që ishte publikuar në fillim të këtij viti. Deri në fund të muajit Gusht, Banka e Shqipërisë ka blerë rreth 190 milionë euro në ankandet e zhvilluara.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
