М.Х.Дулати атындағы Тараз өңірлік университеті Шадринск мемлекеттік педагогикалық университеті (Ресей), Карабюк университеті (Түркия), Брагансы политехникалық институты (Португалия), Халықаралық Ақпараттандыру Академиясы (Қазақстан), Білім Сарапшыларының Қазақ Лигасымен бірлесе 2022 жылдың 1 сәуірінде «ПЕДАГОГИКАЛЫҚ БІЛІМ БЕРУ – ЕЛ ӨРКЕНДЕУІ МЕН ТҰРАҚТЫЛЫҒЫНЫҢ НЕГІЗІ: ЖАҢА МҮМКІНДІКТЕР ЖӘНЕ ЗАМАНАУИ ТРЕНДТЕР» атты Дулати Халықаралық педагогикалық оқуларын өткізеді.

Дулати Халықаралық педагогикалық оқуларының мақсаты – «Білімді ұлт» сапалы білім беру» ұлттық жобасы аясында үздіксіз педагогикалық білім беру жүйесін модернизациялау; білім берудің жаһандану жағдайында педагогикалық кадрларды кәсіби даярлаудың заманауи тенденцияларын айқындау; қашықтықтан оқыту жағдайындағы заманауи трендерді қарастыру; педагогтердің шығармашылық әлеуетін жетілдіру; ХХІ ғасырдың сын-қатерлі контексіндегі білім сапасын арттыратын заманауи педагогикалық технологиялардың мәнін ашу; педагог кадрларды дайындаудағы әлемдегі үздік ЖОО инновациялық іс-тәжірибесін зерделеу.

Дулати Халықаралық педагогикалық оқулардың жұмыс жасау бағыттары:

Педагогикалық білім беру: заманауи трендтер және жаңа мүмкіндіктер.
Педагогикалық кадрларды даярлаудың заманауи тенденциялары: ұлттық құндылықтар, әлемдік тәжірибе, инновациялар.
«Білімді ұлт» сапалы білім беру» ұлттық жоба аясында үздіксіз білім берудің басым бағыттары: инновациялық парадигма, технология және әдістеме.
М.Х.Дулатидің педагогикалық мұрасы.
Дулати Халықаралық педагогикалық оқулары аясында «Инновациялық педагогикалық өнім-2022» байқауы өткізіледі:

1. «Педагогикалық инновациялық өнім»:

1.1 «Үздік инновациялық сабақ (тәрбиелік іс-шара)».

1.2 «Үздік инновациялық әдістеме».

1.3 «Үздік инновациялық технология».

1.4 «Үздік инновациялық жоба».

2. «Үздік оқу-әдістемелік кешен» /«Үздік электронды оқу контенті».

3. «Үздік оқулық»: «Үздік оқу құралы» / «Үздік оқу-әдістемелік құрал».

4. «Үздік мультимедиалық өнім»: «Үздік электронды оқулық».

5. «Үздік шебер-сынып»
бағыттары бойынша өтті. Нәтижесінде әріптестерім Б.Т. Туткушева, Болкенбаева А.Д бірге қатысып, үш бағыт бойынша да жүдлі 2, 3-орындарға ие болдық.

свернуть