Azərbaycan Universitetində Azərbaycan Xalq Cümhuriyyətinin 100 illiyinə həsr olunmuş “Cümhuriyyət ideologiyası kontekstində filologiya elmi” respublika konfransı keçirilib. Ölkənin görkəmli alim və gənc tədqiqatçılarını bir yerə toplayan konfransda Azərbaycan dövlətçiliyinin və mədəniyyətinin formalaşmasında mühüm rol oynamış cümhuriyyətin kontekstində filoloji fikrin keçdiyi yol və uğurları müzakirə olunub.
