Џабе затворање, се појави нова „Jавна соба“
По затворањето на групата „Јавна соба“ на социјалната мрежа „Телеграм“ се појави нова. Со исто име и иста цел. На неа повторно експлицитни фотографии. Од МВР за Алсат велат дека против вчера приведените четири лица ќе бидат поднесени кривични пријави. Полицијата уште го бара креаторот на групите, како и оние кои споделувале недолични фотографии со сексистички повици.
Во меѓувреме, од Првата детска амбасада Меѓаши велат дека годинава кај нив никој не пријавил злоупотреба на деца како онаа во „Јавна соба“. Но, ги советуваат родителите: Секои бурни реакции на нивните деца, неочекувани промени, па дури и повлекување од социјалниот живот или мрежите, може да бидат знак дека детето било злоупотребено.
„Важно е возрасниот да му даде можност на детето да поразговара за тоа, да го сподели тоа чувство. Па, дури и да препознае што е насилство…“, рече Јорданака Трајкоска, „Меѓаши“.
Од Детската амбасада Меѓаши советуваат – да се внимава и со фотографиите од плажа.
„Тоа е лична фотографија. Порано пред постоењето на социјалните мрежи имавме албуми коишто беа лична сопственост коишто ги покажувавме на ограничен број луѓе…“, додава Трајкоска.
Платформата за родова еднаквост бара темелно да се расчисти случајот „Јавна соба“. Тие за в среда најавија протестен марш за поддршка на жртвите од случајот, а патеката ќе биде од МВР до Обвинителството.
Hapet sërish grup me foto eksplicite, MPB heton rastin
Pas mbylljes së grupit “Javna soba” në rrjetin social “Telegram” është shfaqur një grup i ri. Ka emrin dhe qëllimin e njëjtë. Përsëri janë publikuar fotografi eksplicite. Nga Ministria e Brendshme thonë për Alsat se kallëzime penale do të ngrihen kundër katër personave që u ndaluan dje. Policia është ende në kërkim të krijuesve të grupeve, si dhe atyre që ndanë fotografi me thirrje seksiste. Ndërkohë, ambasada e parë e fëmijëve “Megjashi” thotë se këtë vit askush nuk ka raportuar abuzim të fëmijëve siç është rasti me “Javna soba”. Ata kanë këshillë për prindërit: “Çdo reagim i dhunshëm i fëmijëve të tyre, ndryshime të papritura, madje edhe tërheqje nga jeta shoqërore ose rrjetet, mund të jetë shenjë që fëmija është abuzuar”.
