Шүлэг: Б.Лхагвасүрэн /МУСГЗ, АУЗ/
Хөгжим: Ц.Чинзориг /Төрийн соёрхолт/

Үүлэн цэнхэр хангай

Үүл гижигдэн найгах
Арын номин шугуй
Үрэл бурман жимс нь
Атганд унагадаг хангай

Өглөө дуулсан дуу минь
Өдөржин хургадаг шугуй
Нөмгөн цагаан манан
Нөмөрт нь хоргоддог хангай

Зэрлэг халиун буга нь
Мөчрийг нь хөнддөггүй шугуй
Зүс нь цоохор янзага нь
Сөгдөж төрдөг хангай

Хотлын мэлмийд үнсүүлсэн
Үндэс бүтэн шугуй
Хорж хотойхын учиргүй
Үүлэн цэнхэр хангай.

свернуть