Былтыр мемлекеттік қызмет көрсету сапасы бойынша Алматы облысында жер қатынастары басқармасы сынға көп ұшыраған. Мекеме қызметкерлерінің үстінен заңға қайшы әрекеттерге қатысты 27 шағым түсіпті. Сондай-ақ, кей азаматтардың тұрғын үй-коммуналдық шаруашылығы мен сәулет және қала құрылысы басқармасының жұмысына көңілі толмаған. Бұл туралы мемлекеттік қызмет істер агенттігінің отырысында белгілі болды.
