🔶طب لو عندنا مريض فشل كلوي إيه أهم النصائح الغذائية الى لازم نوجهها ؟!
◾فى البدايه لازم كل الأكل يكون طازج ومطبوخ بشكل كويس.
◾نمتنع عن الأكل المقلى، فى الأغلب هيكون الأكل مسلوق.
◾طبعًا لازم نقلل الملح جدًا فى الطعام.
◾نتجنب شرب القهوة والشاي أو مشروبات تحتوى على كافيين وممنوع المشروبات الغازية نهائى.
◾يفضل المية تكون مفلتره علشان نقلل نسبة الأملاح فيها.
◾طب تعالو نعرف سوا إيه الأكل الى ممكن ناكله وإيه الى لازم نتجنبه.
#الفاكهه
✅مسموح
{التفاح/ الخوخ/ الأناناس/ البطيخ/ العنب}.
⚠️لكن خلى بالك لو مريض سكر لازم نقلل كميه البطيخ والعنب.
❎ممنوع
[البرتقال/ المانجا/ الفاكهة المجففة بكل أنواعها/ الموز/ المشمش].
#الخضار
✅مسموح
{كوسة/ بامية/ خس/ خيار/ جزر/ باذنجان/ القرنبيط/ البروكلى/ ثوم/ بصل عادى/بطاطس بكمية قليلة}.
❎ممنوع
[ملوخية/السبانخ/اللوبيا/البقدونس/البصل الأخضر].
#البروتين
✅مسموح
{مكرونه/ الأرز الابيض/ الخبز الأبيض}.
⚠️مسموح لكن بكمية محدودة (اللحوم الحمراء/ الفراخ/ الأسماك/ البيض/ اللبن نص كوب تقريبًا).
❎ممنوع
[ تناول الجبنة المصنعة والمعلبات بجميع أنواعها]
#pharma_phobia
#الخلاصه_في_معلومه
