Այսօր՝ մայիսի 5-ին, ավտովթար է տեղի ունեցել Լոռու մարզում: Ժամը 13:00-ի սահմաններում Ալավերդի քաղաքի Բաղրամյան փողոցի 6-րդ շենքի բնակիչ, 46-ամյա Ռուբեն Սոսյանը իր վարած Վազ 24 մակնիշի 34 PS 120 համարանիշի ավտոմեքենայով Վանաձոր-Ալավերդի ավտոճանապարհի 39-րդ կմ հատվածում դեպի Ալավերդի ընթանալիս բախվել է 29-ամյա Կարեն Աբգարյանի վարած բեռնատար Mercedes Benz Sprinter մակնիշի 25 ՕՕ 478 համարանիշի ավտոմեքենային:Ինչպես հայտնում է ֆոտոլրագրող Գագիկ Շամշյանը, վթարի հետևանքով Վազ 24-ի ուղևոր՝ Ալավերդի քաղաքի Բաղրամյան փողոցի 6-րդ շենքի բնակիչ, 21-ամյա Գագիկ Սոսյանը և Mercedes-ի ուղևոր՝ Երևան քաղաքի բնակիչ, 29-ամյա Գոռ Ոսկանյանը մարմնական վնասվածքներով դեպքի վայր ժամանած շտապօգնության մեքենայով տեղափոխվել են Ալավերդու բժշկական կենտրոն, որտեղ ստանալով առաջին բուժօգնությունը՝ հեռացել են:
Մանրամաները՝ [ Ссылка ]
