Bang e Dara : 157
mein aur tu
I and you
Kalam e Iqbal.
#Allama Iqbal
نہ سلیقہ مجھ میں کلیم کا نہ قرینہ تجھ میں خلیل کا
میں ھلاک جادوےء سامری، تو قتیل شیوہء آزری
میں نوائے سوختہ در گلو، تو پریدہ رنگ، رمیدہ بو
میں حکایت غم آرزو، تو حدیث ماتم دلبری
مرا عیش غم، مرا شہد سم، مری بود ہم نفس عدم
ترا دل حرم، گرو عجم، ترا دیں خریدہ کافری
دم زندگی رم زندگی، غم زندگی سم زندگی
غم رم نہ کر، سم غم نہ کھا کہ یہی ھے شان قلندری
تری خاک میں ھے اگر شرر تو خیال فقر و غنا نہ کر
کہ جہاں میں نان شعیر پر ھے مدار قوت حیدری
کوئی ایسی طرز طواف تو مجھے اے چراغ حرم بتا!
کہ ترے پتنگ کو پھر ھو عطا وہی سرشت سمندری
گلہء جفاےء وفا نما کہ حرم کو اہل حرم سے ھے
کسی بت کدے میں بیاں کروں تو کہے صنم بھی " ہری ہری"
نہ ستیزہ گاہ جہاں نئ نہ حریف پنجہ فگن نئے
وہی فطرت اسد اللہی، وہی مرحبی، وہی عنتری
کرم اے شہ عرب و عجم کہ کھڑے ھیں منتظر کرم
وہ گدا کہ تو نے عطا کیا ھے جنہیں دماغ سکندری ۔
LIKE SHARE AND SUBSCRIBE
SAMI SAANI VOICE
THANKS.
