الحزب الجمهوري في أمريكا بيدعوا النواب على أغلاق الحكومة، وبايدن بيقول ان ده هيدمر البلد
لحظة لحظة هو ايه اللي بيحصل ويعني ايه اغلاق؟
الكونغرس الأمريكي في الوقت ده من كل سنة، بيعملوا اتفاق عن حجم الميزانيّة الحكوميّة، وكل كام سنة كدة بيكون في حرب بين الجمهوريين والديمقراطيين على حجم الموازنة، وده علشان الحزب اللي بيكون ماسك الحكم والي هو دلوقت الحزب الديمقراطي، بيكون عندو رؤية معيّنة حابب يطبقها، بس الطرف التاني بيكون شايف ان القوانين دي ملهاش لزمة، ولازم الميزانية تكون أقل من كده علشان يعطلوا مشروع الحزب التاني، ولو ما وصلوش لاتّفاق بيحصل اغلاق للحكومة، وفي جزء كبير من الخدمات الحكومية بتقف، وده علشان يضغطوا على الحكومة ويخلوا الناس تقوم عليها، وده لو حصل هيكون الأغلاق ال ١١ في الحكومة الأمريكيّة، بس لازم تعرفوا ان ال١٠ اللي قبل كده كلّهم فشلوا وما جابوش نتيجة.

свернуть