Հաղորդման ամբողջական տարբերակը հասանելի է միայն Լրատվական ռադիոյի մուլտիմեդիա հարթակի բաժանորդներին: Բաժանորդագրության համար այցելեք [ Ссылка ]
Հարցերի համար զանգահարեք +374 11 28 00 00
Պատկերացրեք՝ դուք ունեք աշխատակից, որին պետք չեն հանգստյան օրեր ու ժամեր, աշխատավարձ, նա երբեք չի հոգնում, չի տրտնջում և սիրով ու ժպիտով պատասխանում է ձեր հաճախորդներին հուզող հարցերին: Սպասարկման բաժնի իդեալական աշխատակից է: Դուք, իհարկե, կխախտեիք Աշխատանքային օրենսգիրքը, եթե նման պայմաններ առաջադրեիք ձեր աշխատակցին, բայց նկարագրված սցենարը բոլորովին իրական է, եթե ձեր «աշխատակիցը» ANIX-ն է: Այն ցանցային միջավայրում աշխատող արհեստական բանականությամբ վիրտուալ օգնական է, որն ավտոմատացնում է հաճախորդների սպասարկումը՝ կրճատելով իրական աշխատակիցներին հասնող զանգերի քանակը: Ի դեպ, ANIX ստարտափը շահել է Sevan Startup Summit 2017-ի գլխավոր մրցանակը՝ 8000 դոլարը: Այն մասին, թե ինչպե՞ս է արհեստական բանականությունը հետզհետե մուտք գործում մեր իրականություն և ի՞նչ խնդիրներ է այն լուծում «Բիզնեսի անատոմիա» հաղորդաշարի այս թողարկմանը զրուցել ենք ANIX ընկերության համահիմնադիր Արթուր Ներսեսյանի հետ:
