Sözləri Tofiq Mütəllibov
Musiqisi Ağabacı Rzayeva

Geyinibsən al-əlvan,
Budaqların çıraqban,
Dövrə vurub qız-oğlan
Nəğmə deyir şən yolka,
Sən nə gözəlsən, yolka.

Dildə gəzir sorağın,
Bəzənib hər budağın,
Şaxta baba qonağın
Olmuş sənin şən yolka,
Sən nə gözəlsən, yolka.

Çölü-meşəni bəzə,
Düzləri gəzə-gəzə
Hər il qonaq gəl bizə
Könül açan şən yolka,
Sən nə gözəlsən, yolka.

свернуть