Орал өңірінде киікті қырып, мүйізін сатып, оңай олжаға кенелушілер азаймауда. Өткен аптада 33 ақбөкенді атқан браконьерлер инспекторлардан қашып кетті. Оқиға ізімен 4 жедел топ құрылды.
Бірақ қасқүнемдер табылмады. Енді табиғатты қорғау прокурорлары ауыл шаруашылығы министрлігінен материалдық-техникалық базаны жақсартып, инспекторлар санын көбейтуді сұрауда.
Қазір мекемеде 28 қызметкер бар. Алайда олар киік мекендейтін аумақты толық қадағалауға дәрменсіз.
Тиісті ұйымдардың қызметін тиімсіз деп бағалаған облыстық прокуратура арнайы жоба әзірлеуде.
