2024 йил сўнгидаги биринчи совуқ яна Ўзбекистон энергетика тизими қишга тайёр эмаслиги ва мамлакат узил кесил газ экспортчисидан газ импортига қарам давлатга айланганини ўртага чиқарди.
Президент ҳузуридаги Статистика агентлигининг мамлакат ташқи савдоси тўғрисидаги ҳисоботида қайд этилишича, жорий йилнинг январ-ноябрь ойларида Ўзбекистон 1,55 миллиард долларлик рекорд миқдорда газ импорт қилди, яъни импорт қарийб 3 баробар ошган.
Лекин шунга қарамасдан яна электр таъминотида узилишлар, яна газ пасайиб кетиши, яна автомобилларга метан қуйиш шохобчаларида бир неча километрлик навбатлар, яна аҳолининг кескин норозилиги...
2024 йил бошидан буён Ўзбекистон бўйлаб газ билан боғлиқ 74 та бахтсиз ҳодиса қайд этилгани, 82 нафар одам нобуд бўлганини 27 ноябрь куни "Ҳудудгазтаъминот" акциядорлик жамияти бошқарма бошлиғи Абдусаттор Қаюмов маълум қилган эди.
27 ноябрдан шу кунгача эса ис газидан заҳарланиб яна ўнга яқин одам ўлди, улар орасида ёш болалар ҳам бор.
Ис гази туфайли ўлимлар сони ортишига электр энергияси ва табиий газ тақчиллиги сабаб бўлаётгани айтилади.
🔴 Ozodlik kanaliga obuna bo'ling! 👉 [ Ссылка ]
🔴 Bizga xabar yo'llash uchun 👉 [ Ссылка ]
2024-yil so‘ngidagi birinchi sovuq yana O‘zbekiston energetika tizimi qishga tayyor emasligi va mamlakat uzil kesil gaz eksportchisidan gaz importiga qaram davlatga aylanganini o‘rtaga chiqardi.
Prezident huzuridagi Statistika agentligining mamlakat tashqi savdosi to‘g‘risidagi hisobotida qayd etilishicha, joriy yilning yanvar-noyabr oylarida O‘zbekiston 1,55 milliard dollarlik rekord miqdorda gaz import qildi, ya’ni import qariyb 3 barobar oshgan.
Lekin shunga qaramasdan yana elektr ta’minotida uzilishlar, yana gaz pasayib ketishi, yana avtomobillarga metan quyish shoxobchalarida bir necha kilometrlik navbatlar, yana aholining keskin noroziligi...
2024-yil boshidan buyon O‘zbekiston bo‘ylab gaz bilan bog‘liq 74 ta baxtsiz hodisa qayd etilgani, 82 nafar odam nobud bo‘lganini 27 noyabr kuni "Hududgazta’minot" aksiyadorlik jamiyati boshqarma boshlig‘i Abdusattor Qayumov ma’lum qilgan edi.
27-noyabrdan shu kungacha esa is gazidan zaharlanib yana o‘nga yaqin odam o‘ldi, ular orasida yosh bolalar ham bor.
Is gazi tufayli o‘limlar soni ortishiga elektr energiyasi va tabiiy gaz taqchilligi sabab bo‘layotgani aytiladi.
#ozodlik #uzbekistan #tashkent #yangiliklar #narxnavo #narxlar #zimiston #mirziyoyev
