ئەمڕۆ هەینی ١٠ی ئاداری ٢٠٢٣ به دروشمی (ئیدارەی سەربەخۆی سۆران بەرهەمی راپەڕینە)، بە ئامادەبوونی هاوڵاتیانی ئیدارەی سەربەخۆی سۆران و بە بەشداری هەموو حزب و لایەنە سیاسییەكان، لە مەڕاسیمێكی جەماوەریدا ٣٢یەمین ساڵیادی راپەڕینی سۆران بەرز راگیرا.
دوای دانانی تاجەگوڵینە، لەلایەن هەڵگورد شێخ نەجیب سەرپەرشتیاری ئیدارەی سەربەخۆی سۆران و پەرلەمانی كوردستان لە پێش وێنەی هەرسێ شەهیدانی راپەڕینی سۆران و لە بەردەم داری شەهیدان، رێز لە روحی شەهیدان گيرا.
لە وتەیەكدا، سەرپەرشتیاری ئیدارەی سەربەخۆی سۆران بە ناوی جەماوەر و حزب و لایەنە سیاسیەكان پیرۆزبایی سەركەوتنی راپەڕینی سۆران-ی لە هاوڵاتییانی سنووری ئیدارەی سەربەخۆی سۆران كرد و رایگەیاند: " ئیدارەی سەربەخۆی سۆران یەكێكە لە دەستكەوتەكانی راپەڕین" و هەموو هەوڵ و ئامانجی ئیدارەكەش خزمەتكردنی زیاترە بە هاوڵاتیان.
لە دوایین بڕگەی مەڕاسیمەكەدا، چەندین چاڵاكی جۆراوجۆری هوونەری و فۆلكلۆری و زانستی لە لایەن قوتابخانەكانی سنووری ئیدارەی سەربەخۆی سۆران پێشكەش بە بەرهەڤبووان كرا.
راگەیاندنی ئیدارەی سەربەخۆی سۆران
١٠ی ئاداری ٢٠٢٣
![[Bad] – YouTube ВСЁ? (победа VK и прощание с подписчиками)](https://i.ytimg.com/vi/pQ1bCOW5270/mqdefault.jpg)
