Ministria e Arsimit doli me një udhëzim, sipas të cilit reduktohet numri i nxënësve nëpër klasa nga 35 në 30 për gjimnazet dhe shkollat e mesme profesionale dhe nga 25 në 20 për klasat ku mësimdhënia u ofrohet grupmoshave të ndryshme të fëmijëve për shkak të numrit të ulët të tyre.
Urdhri i bërë publik nga ministrja Evis Kushi më shumë se sa përmirësim në infrastrukturën e logjistikën shkollore, apo rritjen e numrit të mësuesve tregon rënien e madhe të numrit të nxënësve për shkak të uljes së numrit të lindjeve dhe sidomos prej emigrimit. Kjo e fundit provohet nga fakti që rënien më të madhe të numrit të nxënësve është në grupmoshën 16 deri në 18 vjeç.
Të dhënat historike tregojnë se në vitet e para të tranzicionit regjistroheshin në klasë të parë rreth 77 mijë nxënës në vit. Në vitin shkollor 2022-2023 klasën e pare e nisën vetëm 29 mijë fëmijë, ose 2.6 herë më pak se para dy dekadash.
Rënia është më e fortë për shkollat e mesme. Sipas të dhënave të Ministrisë së Arsimit për vitin shkollor 2022-2023 janë regjistruar në klasën e 10-të rreth 28 mijë nxënës, ndërkohë që në vitin 2021, ky numër ishte rreth 31 mijë, duke shënuar kështu një ulje me gati 10 për qind.
Të dhënat zyrtare të INSTAT tregojnë se të regjistruar në arsimin 9-vjeçar në vitin 2021 ishin 278 mijë nxënës me një rënie vjetore 3 për qind, ndërsa në 10 vite rënia ishte 34 për qind. Po sipas INSTAT vitin e kaluar akademik ishin të regjistruar në arsimin e mesëm rreth 103 mijë nxënës më një rënie vjetore 4.1 për qind dhe 31 për qind më pak se në vitin 2020.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Shkollat#TopNews#TopChannel
